मकवानपुर । मकवानपुरमा सामरी खोलाले बगाउँदा एक जनाको मृत्यु भएको छ ।
मृत्यु हुनेमा मकवानपुरगढी गाउँपालिका वडा नं- ३ तल्लो काली खोलाका ५७ वर्षीय लालबहादुर सुनारको मृत्यु भएको हो ।
बिहान डुम्रेकुनाबाट दुध पुर्याएर घर फर्कने क्रममा सुनारलाई सामरी खोलाले बगाउँदा मृत्यु भएको जिल्ला प्रहरी कार्यालय मकवानपुरका प्रबक्ता प्रहरी नायब उपरीक्षक इन्द्रबहादुर रानाले जानकारी दिनुभयो ।
मृतकको शव पोस्टमार्टमका लागि हेटौंडा अस्पताल लगिएको प्रहरीले जनाइएको छ ।
