फिक्कलः इलामका चर्चित गायक रगुन गुरुङको गजल ‘यादहरु’ सार्वजनिक भएको छ । जय भण्डारीको शब्द र रुबिन जोए को संगित रहेको उक्त गजललाई रगुनले आवाज दिएका छन् । प्रेममा विछोडपछिका दिनहरु यादगार बन्ने गरेको कथालाई लयात्मक तरिकाले देखाईएको छ । विगतलाई भुल्न नसकिएको र सम्झनामा दिन बितिरहेको यथार्थलाई गजलमा ब्यक्त गरिएको हो । गजलमा भनिएको छ, ‘एउटा कथा जिन्दगीको डढ्यो खरानी भई । छोडी गयौ यादहरु सपना सिरानी भई ।’ करिब ५ मिनेटको गितका शब्दले वियोगमा जिईरहेकाहरुलाई अवश्य भावुक बनाउने छ ।
विद्यालय संचालनलाई मुख्य पेशा बनाएका रगुनले हालसम्म दुई दर्जन गीतमा स्वराङ्कन गरेका छन् । ‘प्रियता’ र ‘आफ्नोपन’ शिर्षकको दुई वटा सोलो एल्वम् प्रकाशीत भएका छन् भने ६ वटा म्युजिक भिडियो र ६ वटा लिरिकल भिडियो सार्वजनिक भएका छन् । प्याप्सन इलामका वर्तमान अध्यक्ष रहेका गरुङ सूर्योदय नगरपालिका ९ स्थित न्यू वल्र्ड सेकेन्डरी स्कुलका संस्थापक पृन्सिपल समेत हुन् ।