फिक्कलः नेकपा एमालेको युवा संगठन राष्ट्रिय युवा संघ नेपाल सूर्योदय नगरपालिका कमिटीमा नयाँ नेतृत्व चयन भएको छ । शनिबार सम्पन्न राष्ट्रिय युवा संघ नेपाल सुर्योदय नगरपालिका कमिटीको दोस्रो नगर अधिवेशनले उदयहाङ फागोको अध्यक्षतामा ३५ सदस्यीय कमिटी सर्वसम्मत रुपमा चयन गरेको हो ।
कमिटीको उपाध्यक्ष मा प्रमोद सापकोटा र मनिक चौधरी चयन हुनुभएको युवा संघ सूर्योदयको उत्प्रेरक युवन्तिका राईले जानकारी दिनुभयो । अधिवेशनबाट नगर कमिटीको सचिवमा सचिव प्रकाश अधिकारी, सह(सचिवमा विनिता अधिकारी र फुर्वा छिरिङ लाप्चा चयन हुनुभएको छ । अधिवेशनबाट कोषाध्यक्ष अजन्ती तामाङ चयन हुनुभएको छ ।
कमिटीका निवर्तमान उपाध्यक्ष रञ्जित प्रधानको अध्यक्ष तथा नेकपा एमाले इलाम जिल्ला कमिटी अध्यक्ष एवं प्रतिनिधि सभा सदस्य माननीय महेश बस्नेतको प्रमुख आतिथ्यतामा अधिवेशन सम्पन्न भएको हो ।
कार्यक्रममा नेकपा एमाले कोशी प्रदेश कमिटी सदस्य काजीमान कागते, इलाम जिल्ला कमिटी सचिवालय सदस्य नरेश तामाङ, राष्ट्रिय युवा संघ नेपाल केन्द्रीय कमिटी सदस्य दिनेश ढकाल, राष्ट्रिय युवा संघ नेपाल इलाम जिल्ला कमिटी अध्यक्ष मोहन लोर्जे कागतेले शुभकामना कामना मन्तव्य राख्नु भएको थियो । fromsunrisekhabar
