फिक्कलःजिल्ला प्रहरी कार्यालय इलामले चोरीका मोटरसाईकलहरु खोजी गरी पक्राउ गर्ने अभियान तिव्र बनाएको छ । यसै अभियान अन्तर्गत इलाम प्रहरीले २० वटा चोरीका मोटरसाईकलहरु पक्राउ गरेको छ । बिभिन्न कम्पनीका २० वटा मोटरसाईकलहरु तराईका जिल्लाहरुबाट चोरी गरी इलामको ग्रामिण भेगहरुमा चलाई रहेको अवस्थामा प्रहरीले फेला पारी पक्राउ गरेको हो । इलामको संदकपुर गाँउपालिकाको माबु, जमुना, बन्दुके, फागफोथुम गाँपालिकाको एकतप्पा, आमचोक, माई नगरपालिकाको दानाबारी, महमाई र चुलाचुली गाँउपालिकाको एरियाबाट मोटरसाईकलहरु प्रहरीले पक्राउ गरेको हो । पक्राउ गरीएका २० वटा मोटरसाईकलहरु मध्ये ११ वटा आवश्यक कार्वाहीको लागी जिल्ला प्रहरी कार्यालय झापा पठाईएको छ भने ५ वटा आवश्यक कार्वाहीको लागी भन्सार कार्यालय पशुपतिनगर इलाम बुझाईएको छ । त्यस्तै गरी २ वटा मोटरसाईकल सम्बन्धित धनीलाई जिम्मा दिईएको छ भने २ वटा जिल्ला प्रहरी कार्यालय इलाम राखी अनुसन्धान भई रहेको छ । त्यस्तै गरी प्रहरी चौकी पेल्टिमारी इलामबाट समेत २ वटा चोरीका मोटरसाईकलहरु पक्राउ गरी सम्बन्धीत धनीलाई बुझाईएको छ ।जिल्ला प्रहरी कार्यालय इलामका प्रहरी नायव उपरीक्षक, सुचना अधिकारी लालध्वज सुबेदीले जानकारी दिनुभएको छ ।