नेपाली कांग्रेस प्रदेश १ को नयाँ नेतृत्व चयनका लागि शनिबार भएको निर्वाचनको मतगणना शुरु भएको छ । आइतबार दिउँसो १ बजेबाट मतगणना शुरु भएको निर्वाचन समितिका अधिकृत भरतबहादुर थापाले जानकारी दिए ।
नेतृत्व छनोटका लागि शनिबार मतदान भएको थियो । प्रदेश १ अधिवेशनमा कांग्रेसको संस्थापनइतर पक्षबाट गुरुराज घिमिरे र संस्थापन पक्षबाट उद्धव थापाले प्यानलसहित चुनावी मैदानमा छन् ।
आइतबार बिहान ८ बजेबाट मतगणना गर्ने भनिएपनि ढिलोमात्रै शुरु भएको उनले बताए । शनिबार मतदान पनि ढिलो शुरु भएको थियो । विहान ८ बजेबाट मतदान शुरु गर्ने भनिए पनि विवादका कारण साढे ६ घण्टा ढिलो गरी शनिबार दिउँसो २स् ३० बजेबाट मतदान शुरु गरिएको थियो । मतदानमा एक हजार ७५३ प्रतिनिधि सहभागि भएका थिए ।अनलाईनखबरबाट
