इलामः इलामस्थित छिमेकी बचत तथा ऋण सहकारी संस्थाले उत्कृष्ट बचतकर्ता, उत्कृष्ट व्यवसायी, संस्थाका ज्येष्ठ सदस्यलगायत भवन खरिद गर्न थप सेयर लिने ७७ सदस्यलाई सम्मान गरेको छ । संस्थाको १५औं साधारणसभाको अवसरमा इलाम सदरमुकाममा सोमबार आयोजित कार्यक्रममा सम्मान गरिएको हो ।
संस्थाका अध्यक्ष देवनारायण बरालले आर्थिक वर्ष २०८०÷०८१ को नीति तथा कार्यक्रम प्रस्तुत गर्नुभएको कार्यक्रममा कोषाध्यक्ष भगीरथ कट्टेलले आव २०७८÷०७९ को छ करोड १५ लाख ४१ हजार चार सय ८१ रुपैयाँबराबरको आय–व्यय विवरण पेस गर्नुभएको थियो ।
कार्यक्रमका प्रमुख अतिथि प्रतिनिधिसभा सदस्य महेश बस्नेतले सहकारी संस्थाहरुले जनताको हितमा नीति तथा कार्यक्रम ल्याउनुपर्ने बताउनुभयो । उहाँले ऋण लगानी गर्ने र लिने दुबैपक्षले उत्पादनशिलतामा जोड दिनुपर्ने बताउनुभएको छ ।
संस्था उपाध्यक्ष अनिरुद्र मैनालीले स्वागत मन्तव्य राख्नुभएको कार्यक्रममा इलाम नगरपालिका उपप्रमुख विष्णुकुमारी दाहाल, अतिथि विकास कर्मचार्य, अनुजा शिवकोटी, गोपाल रिजाललगायतले शुभकामना मन्तब्य राख्नुभएको संस्थाका सचिव मुकुन्द गुरागाईंले जानकारी दिनुभएको छ ।
