इलाम(फिक्कल)ः सूर्योदय नगरपालिका–१ स्थित हिमालय माद्यमिक विद्यालयका विद्यार्थीहरुलाई ट्रयाक सुट वितरण गरिएको छ । विद्यालयमा स्थापित कालुमान लक्ष्मीमाया पुष्पा श्रेष्ठ छात्रवृत्ति समितिले नर्सरी देखि कक्षा १० सम्मका सम्पूर्ण विद्यार्थीहरुलाई ट्रयाक सुट वितरण गरेको शिक्षक निधि पोखरेलले जानकारी दिनुभएको छ ।
कार्यक्रममा छात्रवृत्ति समितिका संस्थापक अशोक श्रेष्ठले अभिभावक क्रियाशील भएर बालबच्चाको पढाईमा ध्यान पुर्याउनुपर्ने बताउनुभयो । संस्थापककै तर्फबाट आईटि ईन्जिनियर गौरव प्रधानले आईटि क्षेत्रमा अध्ययन गर्ने विद्यार्थीलाई विभिन्न कुरामा सहयोग गर्न तयार रहेको बताउनुभयो ।
प्रमुख अतिथि वडाध्यक्ष राजकुमार शेरेङले विद्यालयको शैक्षिक उन्नयनमा आफुले गर्ने सहयोगमा कुनै कसुर बाँकी नराख्ने बताउनुभयो । विद्यालय व्यवस्थापन समितिका अध्यक्ष ललित प्रधानले दाताहरुसंग विद्यालयलाई सँधै सहयोगको आशा राख्नुभएकोे छ ।
छात्रवृत्ति समितिका अध्यक्ष ध्रुब कुमार प्रधानको अध्यक्षता एवम् वडाध्यक्ष राजकुमार शेरेङको प्रमुख आतिथ्यतामा सम्पन्न कार्यक्रममा वडासदस्य रोशन बुढाथोकी, पूर्व विद्यालय व्यवस्थापन समितिका अध्यक्ष,मेनुका स्मृति शैक्षिक विकास संस्थाका संंस्थापक लगायतको उपस्थिति रहेको थियो । कार्यक्रमको सन्चालन शिक्षक निधि पोखरेलले गर्नुभएको थियो ।
