७ असार, काठमाडौं । गण्डकी प्रदेशमा आज थप १६ जनामा कोरोना पुष्टि भएकाे छ ।
प्रदेश स्वास्थ्य निर्देशनालय पोखराले बिहान जारी गरेको विज्ञप्तिमा बाग्लुङमा ९, म्याग्दीमा ४, तनहुँमा १ र पर्वतमा २ जनामा सङ्क्रमण पुष्टि भएको जनाइएको छ ।
गण्डकी प्रदेशका ११ वटै जिल्लामा सङ्क्रमण पुष्टि भइसकेको छ । शनिबार साँझ हिमालपारिको जिल्ला मुस्ताङमा समेत सङ्क्रमण देखिएको थियो । प्रदेशमा हालसम्म सङ्क्रमितको सङ्ख्या ५०४ पुगेको छ ।
