२६ असार, पोखरा । भारी वर्षापछि आएको पहिरोका कारण पोखरामा सातजनाको मृत्यु भएको छ। पोखरा-१८ सराङ्कोटमा पाँच र अरु २ ठाउँमा एक /एकजनाको मृत्यु भएको हो ।
सराङ्कोटको गोठादीमा शुक्रबार बिहान ९ र राति ३ बजेतिर टंकबहादुर थापाको घर पहिरोले पुरेको थियो।
टंकबहादुर, उनकी श्रीमती र अरु आफन्त पहिरोमा परेका हुन्। उनकी छोरी २२ वर्षीया पिंकी, उनकी ५ वर्षीया छोरी पिरिसा र १८ वर्षीया आशा घाइते भएका छन्। पोखरा २५ हेम्जा र पोखरा २६ मा अरु १र१ जना पहिरोमा परेर ज्यान गुमाएका छन्।
पोखरामा पहिरोमा परेर घाइते भएका १० जनालाई उपचारका लागि मणिपाल शिक्षण अस्पताल लगिएको छ। मृत्यु भएकाहरुको शव संकलन गरिएको जिल्ला प्रहरी कार्यालय कास्कीले जनाएको छ।
