इंग्ल्याण्डविरुद्धको पहिलो टेष्टमा वेष्ट इण्डिज ४ विकेटले विजयी

द्वारा प्रकाशित गरिएको हो |
२०७७ असार २९, ,प्रकाशित
अनुमानित पढ्ने समय : < 1 मिनेट

२९ असार, काठमाडौं । कोरोना भाइरसको महामारीकाबीच खेलिएको पहिलो टेष्ट क्रिकेटमा वेष्ट इण्डिजले इंग्ल्यान्डलाई हराएको छ ।

इंग्ल्याण्डको साउथह्याम्पटनमा गएराति सकिएको टेष्ट म्याचमा पाहुना टोली वेष्ट इन्डिजले इंग्ल्यान्डलाई ४ विकेटले पराजित गर्यो । जितसँगै तीन खेलको श्रृंखलामा वेष्ट इण्डिजले १–० को अग्रता बनाएको छ ।

पहिलो टेष्टको पाँचौ तथा अन्तिम दिन घरेलु टोली ३ सय १३ रनमा अलआउट भएपछि वेष्ट इण्डिजले २ सय रनको विजय लक्ष्य पाएको थियो । इंग्ल्यान्डबाट पाएको मध्यम लक्ष्य वेष्ट इन्डिजले ६ विकेट गुमाएर पूरा गर्यो ।

उसका लागि जेमाइन ब्लाकवुडले ९५ रन बनाउँदा रोस्टन चेसले ३७ रनको योगदान दिए । इंग्ल्यान्डका जोफ्रा आर्चरले ३ तथा कप्तान बेन स्टोक्सले २ विकेट लिएपनि टोलीलाई जिताउन सकेनन् । इंग्ल्याण्ड र वेष्ट इण्डिजबीचको दोस्रो टेष्ट म्याच यही बिहिबारदेखि म्यान्चेस्टरमा हुनेछ ।

प्रतिक्रिया दिनुहोस

सम्बन्धित समाचार

ताजा समाचार

लोकप्रिय