६ साउन, काठमाडौं । नेपालको प्रथम जननिर्वाचित प्रधानमन्त्री एवं नेपाली कांग्रेसका संस्थापक नेता विश्वेश्वरप्रसाद कोइराला (बिपी) को ३८ औं स्मृति दिवस मंगलबार बिभिन्न कार्यक्रम गरि मनाइएको छ ।
दिवसका अवसरमा बिपी कोइराला स्मृति ट्रष्टले काठमाडौंमा माल्यार्पण कार्यक्रमको आयोजना गर्यो । कार्यक्रममा सहभागीहरुले कोइरालाको योगदानको चर्चा गरेका थिए । यसैगरी काङ्ग्रेसका भातृ संगठनहरुले पनि बिभिन्न स्थानमा कार्यक्रमको आयोजना गरेका थिए ।
नेपालमा प्रजातन्त्रको स्थापनाका लागि कठोर संघर्ष गरेका कोइराला २०१५ सालको निर्वाचनमा कांग्रेसले दुई तिहाई बहुमत ल्याएर देशको पहिलो जननिर्वाचित प्रधानमन्त्री भएका भएका हुन् ।
नेपाली साहित्यमा पनि महत्वपूर्ण योगदान पुर्याएका कोइरालाको ६ साउन २०३९ सालमा निधन भएको थियो ।
