१९ साउन, काठमाडौं । काठमाडौंको कालोपुलमा भएको मोटरसाइकल दुर्घटनामा परी एकजनाको मृत्यु भएको छ ।
बा ६७ प ४८१८ नम्बरको मोटरसाइकल सडकमा अनियन्त्रित भई दुर्घटना हुँदा मोटरसाइकल चालकको मृत्यु भएको प्रहरीले जनाएको छ ।
मृत्यु हुनेमा दोलखा घर भई हाल चाबहिल बस्दै आएका ३० वर्षीय टासी शेर्पा रहेका छन् । गम्भीर घाइते भएका शेर्पाको उपचारका क्रममा राष्ट्रिय ट्रमा सेन्टरमा सोमबार बिहान मृत्यु भएको जनाइएको छ ।
