२२ साउन, प्युठान । प्युठानमा समुदायस्तरमै कोरोना संक्रमित भेटिन थालेका छन् ।
बुधबार प्युठान नगरपालिका ७, बाग्दुला निवासी एक २२ वर्षीया युवतिमा समुदाय स्तरमा कोरोना संक्रमण पोजेटिभ देखिएपछी बाग्दुर बजार क्षेत्र शिल गरीने भएको छ ।
यसैगरी प्युठान नगरपालिका वडा नं. ७ र ८ मा आज (बिहिबार) बिहानदेखि शिल गरिएको छ ।
होटल व्यवसायमा संलग्न उनका परिवारसहित छिमेकिहरुलाइ समेत कन्ट्याक ट्रेसिङ गर्नका लागि साउन २५ गतेसम्म पुर्ण लकडाउन सहित शिल गर्ने निर्णय भएको छ । कन्ट्रयाक ट्रेसिङ गरेका ब्यक्ति र उनका परिवारका सदस्यहरुको बिहिवार स्वाव संकलन गरी परीक्षणका लागि पठाउने र उनीहरुको रिपोर्ट नआउँदासम्मको लागि शिल हुदैछ ।
अत्यावस्यक सेवा बाहेक यातायात, पसल, उद्योग, सबै बन्द गर्ने र भेटघाट गर्न समेत रोक लगाइने भएको हो । प्युठान नगरपालिकाको धाइरे, मरन्ठाना, सारीवाङ, पुण्यखोला सम्मका सबै क्षेत्र शिल हुदैछ । प्रहरिले बुधवार साँझदेखि नै माइकिङ गरी पसलहरु बन्द गराउन थालेको छ ।
