२९ साउन, काठमाडौं । पाल्पामा प्रहरीले भरुवा बन्दुकसहित एक जनालाई पक्राउ गरेकाे छ ।
रैनादेवि छहरा गाउँपालिका-३ छचुवा बस्ने ५२ वर्षीय गन बहादुर कुमाललाई बन्दुकसहित पक्राउ गरेकाे हाे ।
कुमालकाे साथबाट प्रहरीले एक थान एकनाले भरुवा बन्दुक, १ सय ५० ग्राम बारुद, १ सय ९० ग्राम गन्दक र ५९ वटा छर्रा बरामद गरेकाे छ ।
उनको घरमा अवैध रुपमा भरुवा बन्दुक लुकाई छिपाई राखेको भन्ने विशेष सूचनाको आधारमा जिल्ला प्रहरी कार्यालय र ईलाका प्रहरी कार्यालय मुझुङबाट खटिएको प्रहरीले तलासी गर्दा उक्त बन्दुक फेला पारी उनलाई पक्राउ गरिएकाे प्रहरीले जनाएकाे छ ।
