३० साउन, काठमाडौं । आर्थिक वर्ष २०७६-०७७ मा अख्तियार दुरुपयोग अनुसन्धान आयोगको कार्यालय सुर्खेतले १४ जनालाई रङ्गेहात पक्राउ गरेको छ ।
अघिल्लो आवमा चार जनालाई रङ्गेहात पक्राउ गरी कारवाहीको दायरामा ल्याइएको कार्यालयले जनाएको छ । कार्यालय सुर्खेतले एक वर्षको अवधिमा १३ लाख ४१ हजार घुस बरामद गरेको छ ।
आव २०७६-०७७ मा सो रकम घुस बरामद गरेको कार्यालयले जनाएको छ । यो रकम अघिल्लो आवको भन्दा बढी हो । आव २०७५-०७६ मा चार लाख ४७ हजार रकम घुस बरामद गरेको थियो ।
