प्युठानमा ४ प्रहरीसहित, थप १८ जनामा कोरोना संक्रमण पुष्टि

द्वारा प्रकाशित गरिएको हो |
२०७७ भाद्र ९, ,प्रकाशित
अनुमानित पढ्ने समय : < 1 मिनेट

प्युठान । प्युठानमा ४ जना प्रहरीसहित थप १८ जनामा कोरोना संक्रमण पुष्टि भएको छ ।

प्रादेशिक जनस्वास्थ्य प्रयोगशाला भैरहवामा गरिएको परीक्षणमा मंगलबार दुई देखि ६१ बर्ष उमेर समुहका थप १८ जनामा कोरोना संक्रमण देखिएको स्वास्थ्य कार्यालय प्युठानका फोकल पर्सन पुस्कल श्रेष्ठले जानकारी दिनुभयो ।

संक्रमितहरुमध्ये जिल्लाको स्वर्गद्धारी नगरपालिकाका ३ जना , नौबहिनी गाउँपालिकाका ६ जना र ऐरावती गाउँपालिकाका ९ जना हुन् ।

यो संगै जिल्लामा कोरोना संक्रमितको कुल संख्या ४ सय ३५ पुगेको छ । जसमध्ये संक्रमित जम्मा ६० जना छन भने ३७४ जना निको भई घर गईसकेका छन। भने हालसम्म कोरोना संक्रमणको कारण जिल्लामा एकजनाको मृत्यु भइसकेको छ ।

प्रतिक्रिया दिनुहोस

सम्बन्धित समाचार

ताजा समाचार

लोकप्रिय