काठमाडौं । चितवनको भरतपुर अस्पतालमा कोरोना संक्रमित एक पुरुषको शुक्रवार साँझ मृत्यु भएको छ ।
राप्ती नगरपालिका वडा नं. ५ का ६१ बर्षका पुरुषको अस्पतालको आइईसीयूसहित भेन्टिलेरमा राखेर उपचार गर्दागर्दै मृत्यु भएको अस्पतालका सूचना अधिकारी लिलाधर पौडेलले जानकारी दिए ।
भदौ २४ गते कोरोना संक्रमण पुष्टि भएका उनलाई उच्च ज्वरो, खोकी र श्वासप्रश्वाशमा समस्या भएपछि भदौ २५ गते अस्पताल भर्ना भएका थिए ।
अस्पतालले भेन्टिलेटरमा राखेर बचाउने अथक प्रयास गर्दागर्दै पनि ज्यान गएको भन्दैं दुःख ब्यक्त गरेको छ ।
