प्रविन विसी,फिक्कलः इलामको सूर्योदय नगरपालिका वडा नम्बर १३ मा २ दिने खुला भलिवल प्रतियोगिता आयोजना गरिने भएको छ । वडाको लक्ष्मीपुर सुकेपोखरी स्थित खेल मैदानमा नयाँ वर्षलाई लक्षित गरी प्रतियगिता आयोजना गरिएको खेल विकास समितिका अध्यक्ष निरोज आचार्यले बताएका छन् । चैत्र २९ गते देखि शुरु हुने खेल बैशाख १ गते सम्पन्न हुनेछ ।
खुल्ला प्रतियोगिता भएकाले देशका जुनै पनि ठाउँका टिमले खेलमा २५ सय इन्ट्री गरी सहभागी हुन् पाउने भएका छन् भने टाढाबाट आउने खेलाडीहरुलाई खाना बस्ने सुविधा दिइएको संस्थाका अध्यक्ष आचार्य ले जानकारी दिए ।
आचार्यका अनुसार प्रथम पुरस्कार ५० हजार ,दोस्रो पुरस्कार ३०हजार र सन्तावना पुरस्कार १५ हजार साथमा मेडल ट्रफि हुनेछ । उत्कृष्ठ खेलाडीलाई नगद पुरस्कार बितरण गरिने उनले जानकारी दिएका छन् ।
