फिक्कलः इलामको फिक्कल चोकमा नेकपा एमाले सुर्योदय नगर कमिटिको आयोजनामा संविधान सभा अध्यक्ष्य स्वर्गीय सुवास चन्द्र नेम्बाङको श्रद्धाञ्जली सभा सम्पन्न गरिएको छ । संविधान दिवसको अवसर पारेर नेता नेम्बाङको स्मरणमा उहाँले सिंगो नेपाल र नेपालीको जिवनमा आफ्नो नेतृत्वकालमा पूर्याउनु भएको योगदानको चर्चा गरिएको थियो । श्रद्धाञ्जली सभामा विभिन्न राजनितिक दलका प्रमुख तथा प्रतिनिधिहरुले नेता नेम्बाङले देखाएको राजनितिक संस्कारलार्इ अनुसरण गरेर हिड्न सके मात्रै उहाँको सम्मान हुने बताएका छन् । नेम्बाङ एउटा पार्टिको मात्र नेता नभइ देशकै राज नेताभएको भक्ताहरुको भनाइ थियो ।
नेकपा एमाले सुर्योदय नगरकमिटि अध्यक्ष्य दुर्गादेवी भट्टराइको अध्यक्ष्यतामा भएको सभामा प्रदेश कमिटि सदस्य काजिमान कागते प्रमुख अतिथि रहनु भएको थियो । सभामा नेकपा एमाले जिल्ला उपाध्यक्ष उदयबहादुर राइ, नेपाली कांग्रेस नगर सभापति रमेश प्रधान नेकपा एसका नगर अध्यक्ष्य कमल गदाल, राष्ट्रिय स्वतन्त्र पार्टीका नगर अध्यक्ष्य रमेश भट्टरार्इ, जनता समाजवादी पार्टीका तर्फबाट सुवास चौरासी, नेकपा माओवादीको तर्फबाट विष्णु मैनाली लायतले आफ्ना भनाइहरु राख्नुभएको थियो ।
त्यसैगरी सम्पूर्ण जनप्रतितिधिहरुको नेतृत्व गर्दै सुर्योदय नगरपलिका वडा नम्बर १० का अध्यक्ष्य पेमा उगेन लामा र सम्पुर्ण सामाजिक संघ संस्थाको नेतृत्व गर्दै मिलन क्षेत्रीले संविधानसभा अध्यक्षप्रति स्मरणका भनाइ व्यक्त गर्नुभएको थियो । उपस्थित विभिन्न क्षेत्रका व्यक्तिहरुले नेपाली झण्डा मुनि राखिएको स्व. नेम्बाङको तस्विरमा अभिर लगाइ माल्यर्पण गरि श्रद्धाभाव प्रकट गरेका छन । पत्रकार विक्रम सुन्दासको सहयोगमा
