इलामः इलामको सूर्योदय नगरपालिकामा ‘सूर्योदय नगर आइडल’ गायन प्रतियोगिता सञ्चालन गरिने भएको छ ।
नगरअन्तर्गतको साहित्य, कला तथा संगीत प्रतिष्ठानको आयोजनामा प्रतियोगिता सञ्चालन गर्न लागिएको हो । नगरमा स्थायी बसोबास गर्ने प्रतिभाले यसमा भाग लिन पाउने छन् ।
विजयीलाई नगद पुरस्कार प्रदान गरिने नगरले जनाएको छ । इच्छुकले सम्बन्धित वडा कार्यालय वा नगरको शिक्षा, युवा तथा खेलकुद शाखामा यही आउँदो माघ ७ सम्ममा निवेदन दिनुपर्नेछ ।
प्रतियोगिताको मिति भने निवेदन प्राप्त भएपछि तोकिने पनि नगरले जनाएको छ ।
