प्रविन विसी,लक्ष्मिपुरः इलामको सूर्योदय नगरपालिका,१३ लक्ष्मीपुर जोरपोखरी ज्योति स्कूल नजिकै मोटरसाइकल दुर्घटना हुँदा दुई जना घाईते भएका छन् ।
मे ६ प १६१५ प्लेट नम्बरको मोटसाइकल भालुखोप देखि बतासे जाने क्रममा दुर्घटना हुँदा ३० वर्षिय मिलान राई र ३४ वर्षिय गणेश समाल घाइते भएको वडाध्यक्ष हेमराज आचार्यले जानकारी दिनुभयो । उहाँका अनुसार, घाईतेमध्ये राई सामान्य र समाल केही जटील अवस्थामा हुनुहुन्छ ।
दुर्घटना हुँदा राईको खुट्टा र समादको टाउकोमा गहिरो चोट लागेको प्रत्यक्षदर्शी स्थानीय रोशन कट्टेलले बताउनुभएको छ ।
गणेशको टाउकोमा गहिरो चोट लागेको कारणले धेरै रगत बगे पछि स्थानीयले तन्दामा बेरेर अस्पताल लगेका थिए । निर्माणधीन ग्रावेल सडक भएको हुँदा रोडाका कारण बाइक नियन्त्रण गर्न नसकेपछि बाइक नालीमा पसेको हुन्सक्ने स्थानीयहरूबताउँछन् ।
घाइते दुवैलाई उपचारको लागि फिक्कल अस्पताल ल्याईएको भएपनि फिक्कलमा उपचार सम्भव नभए पछि फिक्कललले विर्तासिटी हस्पिटल रेफर गरिएको
बताईएको छ ।
