इलामः सुनसरीको धरान उपमहानगरपालिकाका मेयर हर्क साम्पाङले देशभरिबाट स्वतन्त्र उम्मेदवारले जित्नुपर्ने समय आएको बताएका छन् । राजनीतिक दलको गलत व्यवहारले देश उँभो नलागेको भन्दै उनले स्वतन्त्र उम्मेदवारले देश बनाउनुपर्ने बताएका छन् ।
मंगलबार इलाम चोकबजारमा आयोजित स्वतन्त्र उम्मेदवार डकेन्द्रसिंह थेगिमको चुनावी सभालाई सम्बोधन गर्दै साम्पाङले स्वतन्त्र उम्मेदवारलाई जिताउन आग्रह गरे ।
‘राजनीतिशास्त्रअनुसार सच्चा मान्छेको संगठनलाई पार्टी भनिन्छ,’ साम्पाङले भने, ‘तर, हाम्रो देशमा सच्चा मान्छे को छ र पार्टी भएको छ । मलाई लाग्छ यहाँ पार्टी छैन । अब स्वतन्त्रमात्रै जित्नुपनर्छ ।’
साम्पाङले देशमा चलिरहेका ‘ठूला माछा’ र ‘साना माछा’का काण्डलाई कटाक्ष गर्दै माछैमाच्छा, सुनैसुन सबै नेताको जिम्मामा भएकाले देश दलका नेताले नबनाउने दाबी गरे ।
उनले भने, ‘कम्युनिस्ट भन्दै दलहरू अगाडि बढेका छन् । तर, कुन पार्टी कम्युनिस्ट हो रु कसैले श्रम गरेको छ रु मलाई लाग्छ म चाहिँ खास कम्युनिस्ट रहेछु ।’
अहिले देशमा जनतालाई विभाजन गर्ने षड्यन्त्रमात्र भएको भन्दै उनले नेपाली समाजलाई एकजुट बनाउनुपर्ने बताए ।
