इलाम–यस वर्षको आदिवासी जनजाति योगदान पत्रकारिता पुरस्कार पत्रकार सुजता सुनुवारलाई प्रदान गरिएको छ ।
नेपाल आदिवासी जनजाति पत्रकार महासंघको २५औं स्थापना दिवस अवसरमा पत्रकार सुनुवारलाई इलाम शाखाले पुरस्कार प्रदान गरेको शाखा उपाध्यक्ष याम माबोहाङले जानकारी दिए ।
इलामस्थित नेपाल पत्रकार महासंघ शाखा सदस्यसमेत रहेकी पत्रकार सुुनुवार उज्यालो नेटवर्कमा कार्यरत छिन् । इलाम एफएम, नेपालवाणी एफएम, इलाम पोस्ट दैनिकलगायत मिडियामा कार्यरत सुनुवार अहिले काठमाडौंमा पत्रकारितामै स्नातकोत्तर अध्ययन गरिरहेकी छिन् ।
