इलाम – इलाम नगरपालिका–२, सुम्बेकस्थित सुम्बेक स्टार इंग्लिस बोर्डिङ स्कुलका विद्यार्थी र शिक्षकले स्कुलका पूर्वशिक्षककी आमाको उपचारका लागि आर्थिक सहयोग गरेका छन् ।
पूर्वशिक्षक मौसम ढुङ्गानाकी आमा ५० वर्षीय सावित्रादेवी दाहाल ९ढुंगानाा०को उपचारका लागि स्कुलमा १४ हजार पाँच सय पाँच रुपैयाँ संकलन गरी सहयोग गरिएको हो ।
सावित्रा ठूलो आन्द्राको क्यान्सरबाट पीडित भइ उपचाररत छिन् । तर, खर्च अभावले उपचारमा समस्या भएपछि विद्यार्थी र शिक्षकले सहयोग संकलन गरी हस्तान्तरण गरेको प्रिन्सिपल विष्णु गड्तौलाले जानकारी दिए ।
संकलित रकम विद्यालयका लेखाशिक्षक कुलबहादुर देवानले प्राइम कमर्सियल बैंकको बिब्ल्याँटे शाखामा शाखामा रहेको मौसमको खातामा जम्मा गरिदिएका हुन् । पीडित सावित्राका पति रूद्रप्रसाद ढुङ्गानाको यसअघि नै निधन भएको थियो ।
पीडित सावित्राका छोरा ९मौसम० र छोरी सरस्वती छन् । परिवारको आर्थिक अवस्था कमजोर भएकाले उपचारमा समस्या भइरहेको मौसम बताउँछन् । सावित्रालाई यसअघि पनि घाँटीको क्यान्सर भइ निको भएको थियो ।
