फिक्कलःमंगलबार विद्युत सेवा अवरुद्ध हुने भएको छ ।
नेपाल विद्युत प्राधिकरण इलाम वितरण केन्द्र फिक्कल प्रशाखाले सोमबार एक सुचना जारी गर्दै इलामको सूर्योदय नगरपालिका,रोङ गाउँपालिका र इलाम नगरपालिका वडा नम्बर १० को गोदकमा मंगलबार विहान ७ बजेबाट दिउँसो २ बजेसम्म सेवा अवरुद्ध हुने जनाएको हो । सूर्योदय नगरपालिका वडा नम्बर ११ को भालुखोपमा पहिरोजाँदा इलाम फिक्कल खण्ड अन्तर्गत ३३ के.भि.ए लाईनको एच.पोलमा क्षति पुर्याएको र सोको मर्मतकार्य गरिने भएको हुँदा सेवा अवरुद्ध हुने भएको जनाईएको छ ।
यसबाट ग्राहकबर्गमा पर्न जाने असुविधाप्रति क्षमा माग्दै प्राधिकरणले तोकिएको समयभन्दा अगावै मर्मतकार्य सम्पन्न भएमा तत्काल सेवा सुचारु हुने बताएको छ ।
