फिक्कल,इलामको सुर्योदय नगरपालिका १३ स्थित किरण टोलमा ओएसीस दुुुग्ध डेरी उद्योग सञ्चालनमा आएको छ ।
४ जनाको सेयर रहेको उक्त डेरीको शुक्रबार एक कार्यक्रमका बिच उद्घाट्न गरीएको हो । १६ लाख रुपैयाँ लागतमा सञ्चालनमा आएकोे उद्योगमा संकलित दुधबाट दहि ,मोहि ,घिउ , छुर्पी लगाएतका परिकार बनाईने सञ्चालक रुपेन राईले बताउनुभयो ।
पछिल्लो समय दुग्ध जन्य पदार्थको राम्रो भाउ नपाउदा गाईपालक कृषकहरु मर्कामा परेका छ्न । किसानहरुलाई प्रोत्साहन गरी आत्मनिर्भर बनाउन गाउँमा नै डेरी उद्योग सञ्चालन गरिएको र अर्का सञ्चालक सन्तोष राईले जानकारी दिनुभयो ।
रुपेन राई ,हिमाल राई, सन्तोष राई र दिपेश राईको संयुक्त लगानिमा सञ्चालीत उद्योगमा पहिलो दिन आज १ सय ५० लिटर दुग्ध कृषकहरुबाट संकलन गरीएको थियो ।
संकटग्रस्त समयमा देशमा बेरोजगारी बढीरहेका बेला स्थानीयस्तरमा रोजगारी सिर्जना गर्न यस प्रकारका घरेलु उद्योगहरुको भुमिका महत्वपूर्ण रहने सरोकारवालाहरुको भनाई छ ।
