फिक्कल,जनता सेभेन स्पोर्ट्स क्लब सूर्योदय नगरपालिका ८ इलामले बृहत रक्तदान कार्यक्रम सम्पन्न ग।ेको छ । “हालको विषम परिस्थितिमा रगतको अभाब हुन नदिऔँ, रक्तदान गरि जीवनको ज्योति प्रज्वलीत गरौँ” भन्ने मुल नाराका साथ आयोजित वृहत रक्तदान कार्याक्रममा ७३ जनाले रक्तदान गरेका छन् । नेपाल रेडक्रस सोसाईटी झापा जिल्ला साखाको प्राविधिक सहयोगमा उक्त कार्यक्रम संचालन गरिएको क्लबका उपाध्यक्ष सुरेन पौडेलले बताउनुभएको छ । क्लबका अध्यक्ष ज्ञान बहादुर प्रधानको अध्यक्षता एवम् वडा नम्बर ७ का अध्यक्ष लेखनाथ खड्काको प्रमुख आतिथ्यतामा सम्पन्न कार्यक्रममा सूर्योदय नगर उद्योग वाणिज्य संघका उपाध्यक्ष टिका अधिकारी,सशस्त्र प्रहरी बल पशुपतिनगरका निरिक्षक नविन खतिवडा,प्रहरी चौकी फिक्कलका प्रहरी नायव निरिक्षक सन्तोस निरौला, हर्कटे प्रहरी चौकीका प्रमुख लगायत स्थानियको बाक्लो उपस्थिति रहेको बताईएको छ । कार्यक्रमको अवसरमा स्थानियस्तरबाट खेलकुद क्षेत्रमा संघर्ष गरि राष्ट्रिय खेल्लाडीका रुपमा परिचित भएका खेल्लाडीहरुलाई सम्मान गरिएको छ । नेपाली महिला फुटबल टिमकी राष्ट्रिय गोल रक्षक एन्जिला तुम्बापो सुब्बा र थ्रीस्टार खेल्लाडि आशिष राईलाई सम्मान गरिएको हो । त्यसैगरि अन्डर नाईन्टिन राष्ट्रिय खेल्लाडि निसा रोक्कालाई मायाको चिनो प्रदान गरिएको छ भने रेडक्रस झापा जिल्ला साखालाई प्रशंसापत्र प्रदान गरिएको क्लबका उपाध्यक्ष पौडेलले जानकारी दिनुभएको छ ।