इलाममा शुक्रबार दिउसो चट्याङ्ग पर्दा दुहुनो गाई मरेको छ । जिल्लाको माईजोगमाई गाउँपालिका ५ सोयाङ्का सौगन राईले पालेको गाई चट्याङले मरेको हो ।
दुई माऊ गाई, दुई बाच्छाबाच्छी राखिएको गोठमा अचानक चट्याङ् पर्दा एउटा माऊ गाई मरेको छिमेकी निमा शेर्पाले जानकारी दिए । उनका अनुसार, अन्यलाई सामान्य मात्रै असर गरेको छ ।
सुर्योदय नगरपालिका ११ का राईले माईजोगमाईमा जग्गा लिजमा लिएर पशु पालन सुरु गरेका हुन् । चट्याङले दैनिक १५ लिटर दुध दिने गाई मरेपछि राईलाई ठूलै आर्थिक क्षति भएको बताइएको छ ।सरलपाटिबाट
