फिक्कलः स्थानीय सरकारसंग समन्वय नहुँदा प्रदेश मातहतका योजना कार्यान्वयनमा समस्या हुने गरेको पाईएको छ । प्रदेश सरकारबाट आएका योजना कहाँ र कस्ता छन्? भन्ने जानकारी नदिँदा अधिकांश स्थानीय सरकार आफ्नै पालिकामा प्रदेशले कहाँ के काम गर्यो वा गर्दैछ भन्ने कुराको पत्तो नै पाउँदैनन् । जनतासंग प्रत्यक्ष जोडिएको नजिकको सरकार नै आफुभन्दा माथिल्लो तहको सरकारको काम कार्बाहीमा बेखबर हुनुपर्दा योजनाको अनुगमन,नियमन र पारदर्शिता माथि नै प्रश्न उठेको छ ।
आईतबार कोशी प्रदेशका आन्तरिक मामिला तथा कानुनमन्त्री शम्सेर राई प्रदेश मन्त्रालय अन्र्तगतका बिभिन्न कार्यालयका प्रतिनिधि सहित आईतबार इलामका स्थानीय पालिकामा आउनुभयो । मन्त्री आउने भएपछि सूर्योदय नगरपालिकामा जनप्रतिनिधि सहितको भिड जम्मा भयो । सूर्योदय नगरपालिकाका नगर प्रमुख रण बहादुर राईले मन्त्री राईलाई आफना कुरा राख्न आग्रह गरेपछि मन्त्री राईले प्रदेशका योजना कार्यान्वयनको अवस्था कस्तो छ भनेर बुझन आएको जानकारी दिनुभयो ।
मन्त्री राईले आफना कुरा नसकी प्रश्न तेर्सीन थाले । सूर्योदय नगरपालिकाका नगर प्रमुख राईले प्रश्न गर्नु भयो । प्रदेशका योजना के के छन, कहा संचालनमा छन, कस्ले नियमन र अनुगमन गर्छ ? उहाँले थप्नुभयो काम गर्दा समन्वय खोई ? प्रदेश अन्तर्गतको खानेपानी डिभिजन कार्यालय झापाका कर्मचारी अलमल्लमा परे । राईले थप्नु भयो‘पचास हजार र एक लाखका योजना हालेर प्रदेशका कर्मचारी आफुखुसी डाँडाडाँडा कुदेर मात्र बिकास हुँदैन, कार्यान्वयन हुनु पर्छ काम थाले पछि।’
सूर्योदय ६ का वडाध्यक्ष शिव कुमार बस्नेतले कन्यामको पर्यटक पदमार्गको काम किन अधुरो रहयो भनेर प्रस्न गर्नु भयो । उहाले भन्नु भयो ‘योजना मात्र हालिदिए भनेर भएन रकम आउनु आउनु परर्यो न ।’
सूर्योदय १२ का वडाध्यक्ष डोलेन्द्र भारध्वजले प्रश्न गर्नु भयो–भालुखोप–झापा मुख्यमन्त्री सडकको काम किन नभएको हो रु सबै प्रश्न सुने पछि मन्त्री राईले प्रदेश र स्थानीय सरकार बिच समन्वयको कमी भएको बताउनु भयो । उहाले समन्वय नहुँदा एकै प्रकृतिका काममा दुबै सरकारले बजेट बिनियोजन गरेको बताउनु भयो । उहाले भन्नु भयो‘प्रदेशका योजना सहज रुपमा सम्पन्न नभएको पाइयो, प्रदेश र स्थानीय सरकार बिच निक्कै ग्याप छ ।’उहाले बिगतमा के भयो भन्ने भनदा पनि आगामी दिनमा समन्वय गरेर कसरी अगाडी बढ्ने भन्ने बिषयमा लाग्नु पर्ने बताउनु भयो । मन्त्री राईले प्रदेशका आयोजना थाल्नु अघि नै स्थानीय सरकार संग समन्वय गर्न कर्मचारीलाई निर्देशन समेत दिनु भयो । मन्त्री राईले प्रदेशका योजनाको अनुगमनको जिम्मा स्थानीय सरकारलाई दिईने ब्यवस्था गर्ने समेत बताउनु भयो ।
प्रदेश सरकार अन्र्तगत खानेपानी, सडक निर्माण र पर्यटन क्षेत्रमा काम भए पनि प्रभावकारी रुपमा कुनै योजना संचालन भएका छैनन्। योजना थाले पनि पुरा हुँन नसक्दा स्थानीयको बिश्वास समेत प्रदेश सरकारले गुमाउदै गएको पाईन्छ । कति योजना सम्झौता भए, कुन योजना कसरी संचालन हुँदै छ र कहिले सम्पन्न हुँने भन्ने कसैलाई थाहा छैन् ।
प्रदेश मन्त्रालय अन्र्तगतको खानेपानी डिभिजन कार्यालय झापाका सब इन्जिनियर ओम नारायण देबले असंख्य आयोजना संचालन भए पनि प्राविधिक कर्मचारीको अभाव रहेको बताउनु भयो । पूर्वाधार बिकास मन्त्रालय, शहरी बिकास मन्त्रालय लगायतले काम गरी रहे पनि अनुगमन र नियमनको पाटो भने फितलो भएको पाईएको छ । मन्त्री राईले समेत प्रदेश मन्त्रालयमा कर्मचारी पर्याप्त नहुँदा योजनाको अनुगमन हुँन नसकेको स्र्वीकानु भयो ।
इलामका बिभिन्न पालिकामा बिगतमा मुख्यमन्त्री सडकको नाममा काम शुरु भएका दर्जनौ योजना अहिले अलपत्र अवस्थामा छन । तत्कालिन मुख्यमन्त्री शेरधन राईको पालामा यी योजनाको शुरु भएको थियो ।
मन्त्री राईले यस अघि रोङ गाउँपालिकामा पनि स्थानीय तहको बिकास निर्माणका बिषयमा छलफल गर्नु भएको थियो । त्यहा पनि खानेपानीका सयौ योजना थाले पनि पुरा हुँन नसकेको भन्दै गाउँपालिका अध्यक्ष मनिकुमार स्याङबोले गुनासो गर्नु भएको थियो ।
मन्त्री राईले इलामको सीमा वर्ती पशुपतिनगरमा भारतीय सवारीको पार्कीङ सहज बनाउने बिषयमा छलफल गर्नु भयो । उहाले झापा र इलामका बिभिन्न प्रहरी चौकीको निरीक्षण समेत गर्नु भएको छ ।
